Hvert er þá vandamálið?
Síðastliðinn fimmtudag samþykkti Alþingi lög um kynjakvóta í stjórnum stærri fyrirtækja. Þau kveða á um að árið 2013 skuli konur og karla vera að minnsta kosti 40% stjórnarmanna séu fleiri en 5 í stjórn og starfsmenn fleiri en 50.
Við umræðu á Alþingi kom fram að alþingismenn greinir á um leiðir í átt til jafnréttis. Stuðningsmenn frumvarpsins benda á að lagasetning sé að svo komnu nauðsynleg leið til þrautar og í ljósi nýrra gagna um að hlutur kvenna í stjórnum íslenskra fyrirtækja sé að minnka, verði að beita öllum ráðum. Andstæðingarnir vilja hins vegar ekki fara í lagabókstafinn og vilja hvetja fyrirtæki með jákvæðum hætti til að auka hlut kvenna.
Fyrir ári síðan settu nokkur samtök atvinnulífsins í gang átak til að auka hlut kvenna í stjórnum fyrirtækja. Reyndar var lagatextinn miðaður við markmið átaksins, að hlutur kvenna væri kominn í 40% árið 2013.
Nýsamþykkt lög rýra ekki á nokkurn hátt gildi eða mikilvægi átaksins enda eiga þau sér sameiginlegt markmið. Verði átakið farsælt og atvinnulífið muni auka hlut kvenna á næstu fjórum árum, verða lögin óþörf. Þess vegna á enginn sem hefur trú á átakinu að láta lagasetninguna trufla sig.
Hvert er þá vandamálið?
0 Athugasemdir